مش كلنا طيبين او كويسين من داخلنا !!!!  لكن بنحب نعمل انه طيبين او مثالين او دمنا خفيف !!!!  وبهمنا انه نعمل هيك عشان نخلي الناس تحبنا وبنضل نلعب هاد الدور ونمثله وبنكذب عحالنا لحد ما نصدق هاي الكذبه وهاد الي مخلينا عايشين !!!!

حقيقتك انته الي بتصنعها !!! ولو كذبت كذبه وحبيتها بامكانك تعملها حقيقة !!!  وتصير من كذبه عايشها لحقيقة معبية حياتك وتحول الصراع الداخلي بين الحقيقه والكذب الى حقيقه دائمة . 

ليش بنكرة اي حد احسن منا ؟؟ او ناجح اكتر منا ؟؟ ليش ما بنحب حد احسن منا حتى لو كان اقرب الناس النا؟؟ ليش بحب النهايه القصيرة للكل وبنحب الخلود النا بس ؟؟ ليش السعادة بتكون جنبنا وبندور عليها بكل مكان وهي بتكون بداخلنا او تحت رجلينا؟؟

ليش ما بنقدر ننسى اول حب بحياتنا حتى لو حبينا غيرة الف؟؟؟؟ ليش صعب تلاقي حد يفهمك ؟؟ ليش بنحمل مسؤوليه فشلنا لغيرنا ؟؟ ليش دائما بنحب نكون في دور المظلومين مع انه ممكن نكون احنا سبب الظلم لغيرنا ؟؟؟؟

 
ليش بتوقف الدنيا بنظرنا وبتدهور صحتنا اذا حد ظلمنا ليش اذا انتقمنا من الي جرحنا او قهرنا بنحس بحزن وعذاب  وما بنحس براحه ابدا  ؟؟

مين فينا بعاني من الام في البطن ؟؟ حب الشباب ماكل نص وجهك  ؟؟ حموضه في المعدة؟؟ وجع بالراس ؟؟اللام بالرقبه ؟؟ تعب العيون؟؟ اللام اسفل الظهر ؟؟ تساقط في الشعر ؟؟ قرحة ؟؟ شرود ذهني ونسيان وعدم تركيز؟؟ تجاعيد في الوجهه في مرحله الشباب؟؟ ارق وقلق وعدم ارتياح بالنوم؟؟  واصعب من هاد كله امراض في القلب ؟؟ فما بالك في قلب ميت غير مبالي سببلك كل هلمشاكل ؟؟ هل يسوى انك تتعب او تنزل دمعة وحدة عشانه ؟؟؟

القافله تسير والكلاب تعوي !! فهل لازم نوقف القافله عند كل كلب ينبح وبدك تسكته وليش من الاصل نبح؟؟ ان كنت تريد ان تاخذ حقك ؟؟ فخذة بيدك وليس في بنكرياسك!!!! او في كبدك !!! او في رئتك !!! ولا تخسرهم من الزعل وسمه البدن ما تخلي شي يهزك !! بامكانك تاخذ حقك وتحافظ على صحتك!

 مافي شي اسمه سعاده سوف تبدأ عندما انتهي من المدرسه او من الجامعه او من الشغل او بعد التقاعد السعادة جواتنا واحنا بنقدر نتركها لتكون تعاسه واحنا ابنقدر نسيطر عليها لتكون سعادة

ما بنقدر نصنع قدرنا .... لكن سهل انه نصنع تاريخنا